മനസ്സില്* ഓര്മ്മകള്* പുക്കുമ്പോള്*...

[minisoji]

മനസ്സില്* ഓര്മ്മകള്* പുക്കുമ്പോള്*...

അമ്മകിനാവുകളെല്ലാം
പാല്* മണക്കുന്ന
തുമ്പകുടങ്ങളാണ്

മുക്കുറ്റി പൂക്കളില്*
കാണാറുണ്ട് കുഞ്ഞേച്ചിയുടെ
കമ്മല്* തിളക്കം

നാലുമണി പൂക്കളായെന്നും
കൂട്ടുകാര്* വിടരാറുണ്ട്

കൊങ്ങണി പൂമണമാണ്
നിന്*ഓര്*മ്മകള്*ക്ക്

കൊടിത്തൂവ തട്ടി ചൊറിയാറുണ്ട്
പട്ടടയില്* കത്തിയമര്*ന്ന
മുത്തശ്ശിയെ ഓര്*ക്കുമ്പോള്*

അമ്പല വഴിയിലെ തെച്ചികാടുകള്*
തുളസിയെന്ന തൊട്ടാവാടി
റോസാചുണ്ടുള്ള നിലുഫര്*
ചെമ്പരത്തി ചൂടിയ പ്രാന്തന്* വാസു
മുല്ലപ്പൂ മണമുള്ള കല്യാണങ്ങള്*
പാലപൂത്ത നീലരാവുകള്*
അങ്ങനെയെത്ര ഓര്*മ്മപ്പൂവുകള്* ...

ആട്ടിയകറ്റിയാലും
ആര്*ത്തു പൊതിയുന്ന
കനലോര്*മ്മകളുണ്ട്
മഴവില്* ചിറകുള്ള
മധുരസ്മരണകളുണ്ട്

മനസ്സിലെന്നും ഓര്*മ്മകളുടെ വസന്ത കാലമാണ്


Keywords: poems, kaathirippu, stories, malayalam poem,kavithakal, malayalam kavithakal,love poems, sad poems, aa swapnam , kaivittakakalunna pakalukal, nombarakili, manasil ormakal pookkumbol