മായാമോഹിനി ടീം വീണ്ടും വരുന്നു

http://gallery.bizhat.com/data/5525/mayamohini21.jpg
ദിലീപ് പെൺവേഷത്തിലെത്തി ബോക്സോഫീസുകളിൽ വന്പൻ വിജയം കൊയ്തതും പ്രേക്ഷകരുടെ കൈയടി ഏറെ വാങ്ങിയതുമായ മായാമോഹിനി എന്ന സിനിമ ഒരുക്കിയ ടീം വീണ്ടും ഒന്നിക്കുന്നു. മായാമോഹിനിയുടെ സംവിധായകന്* ജോസ് തോമസ് ദിലീപിനെ നായകനാക്കി പുതിയ ഒരു ചിത്രം ഒരുക്കുന്നു. ഉദയ്കൃഷ്ണന്* - സിബി കെ തോമസ് തന്നെയാണ് തിരക്കഥ എഴുതുന്നത്.

ഈ ടീമിന്റെ പുതിയ ചിത്രവും ഒരു മുഴുനീള കോമഡിയായിരിക്കും. നർമ്മത്തിൽ പൊതി*ഞ്ഞ ഒരു പ്രണയകഥയായിരിക്കും ഈ സിനിമയെന്നാണ് സൂചന. നായികയെയും പേരും തീരുമാനിച്ചിട്ടില്ല.

പാലക്കാട്ടെ നെയ്ത്*ത്തുകാരുടെ കുടുംബത്തിലെ അംഗമായിട്ടാണ് ദിലീപ് അഭിനയിക്കുക. എന്നാൽ എളുപ്പം പണക്കാരനാവുന്നതിനുള്ള വഴി അതിസന്പന്നയായ കുടുംബത്തിലെ പെൺകുട്ടിയെ വിവാഹം ചെയ്യുക എന്ന ഉപദേശം സ്വീകരിച്ച് അതിനുള്ള വഴി ആലോചിച്ച് നായകൻ നടക്കുന്നതും തുടർന്നുണ്ടാകുന്ന സംഭവങ്ങളുമാണ് സിനിമയുടെ പ്രമേയം.

നെടുമുടി വേണു, ലാല്*,​ ബാബുരാജ്, ജോയ് മാത്യു തുടങ്ങിയവരും ചിത്രത്തില്* പ്രധാന കഥാപാത്രങ്ങളുടെ വേഷത്തില്* ഉണ്ടാകും.

ജൂൺ 10ന് ചിത്രീകരണം ആരംഭിക്കും. പാലക്കാട്,​ ഒറ്റപ്പാലം,​ പൊള്ളാച്ചി,​ പഴനി തുടങ്ങിയ സ്ഥലങ്ങളാണ് ലൊക്കേഷൻ.

Dileep

Keywords: dileep new film, dileep mayamohini team again, dileep latest film