ഒരുജന്മം ഭജനമിരുന്നാലും

http://gallery.bizhat.com/data/5608/mom-baby-love.jpg
ഒരുജന്മം ഭജനമിരുന്നാലും
ഒരുകോടി നാമങ്ങൾ ജപിച്ചാലും
അമ്മേ എന്നൊന്നു വിളിച്ചാൽ നേടുന്ന
പുണ്യത്തിനോളം വരുമോ, മോക്ഷ
മാർഗ്ഗങ്ങളാ ഭാഗ്യം തരുമോ?
പ്രേമപ്രവാഹത്തെ ജീവനായ് ജഠരത്തിൽ
പേറുന്ന ധാത്രിയാണമ്മ
അശ്രുവിന്നുപ്പുണ്ടു മക്കൾക്കു മാറിലെ
അമൃതിറ്റു നല്കുവോളമ്മ
ഇപ്രപഞ്ചം പോലും നിനക്കു പിൻപേ
അടങ്ങുന്നു ബ്രഹ്മം നിൻ ഗർഭപാത്രേ
എത്ര വർണ്ണിച്ചാലും തീരാത്ത നിസ്തുല
വാൽസല്യ ധാരയാണമ്മ
സാഗരം പോൽ ക്ഷമ കൊള്ളുന്ന വിശ്വൈക
സർഗ്ഗപ്രഭാവമാണമ്മ
ഈശ്വരൻ പോലും നിൻ നടയ്ക്കു താഴെ
അവതരിക്കുന്നവൻ നിന്നിലൂടെ...


More stillsKeywords:songs,mother poems,kavithakal,poems