ഹസ്ബന്*ഡ്സ് ഒന്നാമത്; ദ്രോണ തകരുന്നു

ഈ വര്*ഷത്തെ ആദ്യ ഹിറ്റായി സജി സുരേന്ദ്രന്* സംവിധാനം ചെയ്ത ഹാപ്പി ഹസ്ബന്*ഡ്സ് മാറികഴിഞ്ഞു. മികച്ച ഇനിഷ്യല്* നേടിയ ഈ സിനിമ സ്റ്റഡി കളക്ഷന്* നിലനിര്*ത്തുന്നു. എല്ലാ കേന്ദ്രങ്ങളിലും മിക്ക ഷോയും ഹൌസ് ഫുള്ളാകുന്ന ഈ സിനിമ ജയറാം, ജയസൂര്യ, ഇന്ദ്രജിത്ത്, സുരാജ് വെഞ്ഞാറമ്മൂട് എന്നിവരുടെ കോമഡിയുടെ പിന്**ബലത്താലാണ് ഹിറ്റ് ചാര്*ട്ടില്* ഒന്നാം സ്ഥാനത്തെത്തിയിരിക്കുന്നത്.

ഒരു ജയറാം ചിത്രത്തിന് ഇത്രയും മികച്ച വരവേല്*പ്പ് ഇതിനു മുമ്പുണ്ടായിട്ടില്ല. ‘ഇവര്* വിവാഹിതരായാല്*’ എന്ന ഹിറ്റിന് ശേഷം ഹസ്ബന്*ഡ്സും ഹിറ്റാകുന്നതോടെ സജി സുരേന്ദ്രന്* മലയാളത്തിലെ ഹിറ്റ്*മേക്കര്*മാരുടെ പട്ടികയില്* ഇടം പിടിച്ചിരിക്കുകയാണ്. ‘ഡയാന’ എന്ന കഥാപാത്രമായി റീമ കല്ലുങ്കല്* മികച്ച പ്രകടനം കാഴ്ച വയ്ക്കുന്ന ഹാപ്പി ഹസ്ബന്*ഡ്സ് ‘ചാര്*ളി ചാപ്ലിന്*’ എന്ന തമിഴ് സിനിമയില്* നിന്ന് ആശയം ഉള്*ക്കൊണ്ടതാണ്.

മമ്മൂട്ടി ഡബിള്* റോളില്* അഭിനയിച്ച ദ്രോണയുടെ തകര്*ച്ചയാണ് ഈ വാരത്തിലെ ശ്രദ്ധേയമായ വാര്*ത്ത. വന്* വിജയം വരിക്കുമെന്ന പ്രതീക്ഷയോടെ തിയേറ്ററുകളിലെത്തിയ ദ്രോണയ്ക്ക് കനത്ത തിരിച്ചടിയാണ് ബോക്സോഫീസില്* നേരിട്ടത്. ആദ്യ ദിവസത്തെ ഗംഭീര കളക്ഷന് ശേഷം മോശം അഭിപ്രായം ബാധിച്ചതാണ് ചിത്രത്തിന് പ്രതികൂലമായത്. ഷാജി കൈലാസ് സ്റ്റൈലിഷായി ഒരുക്കിയിട്ടുള്ള ഈ സിനിമയില്* ത്രില്ലടിപ്പിക്കുന്ന മുഹൂര്*ത്തങ്ങളോ മികച്ച ഡയലോഗുകളോ സൃഷ്ടിക്കുന്നതില്* തിരക്കഥാകൃത്ത് എ കെ സാജന്* പരാജയപ്പെട്ടു. ഹിറ്റ് ചാര്*ട്ടില്* നാലാം സ്ഥാനത്താണ് ദ്രോണ 2010.

എന്നാല്* രണ്ടു മാസത്തിന് ശേഷമേ ‘പ്രമാണി’ എന്ന മമ്മൂട്ടിച്ചിത്രം റിലീസ് ചെയ്യുകയുള്ളൂ എന്നും താരതമ്യേന ലോ കോസ്റ്റ് ചിത്രമായ ദ്രോണ ഈ ഇടവേളയില്* മുതല്* മുടക്ക് തിരിച്ചു പിടിക്കുമെന്നുമാണ് സിനിമാവിദഗ്ധര്* അഭിപ്രായപ്പെടുന്നത്. ദ്രോണയ്ക്ക് മികച്ച സാറ്റലൈറ്റ് റേറ്റ് ലഭിച്ചിരുന്നു.

മമ്മൂട്ടിയുടെ തന്നെ ചട്ടമ്പിനാട്* ആണ് ഹിറ്റ് ചാര്*ട്ടില്* രണ്ടാമത്. വിജയേന്ദ്ര മല്ലയ്യ എന്ന കഥാപാത്രമായി മമ്മൂട്ടി തകര്*ത്തഭിനയിക്കുന്ന ഈ സിനിമ സംവിധായകന്* ഷാഫിയുടെ ഏറ്റവും വലിയ വിജയചിത്രമായി മാറിക്കഴിഞ്ഞു. മമ്മൂട്ടിയുടെ കന്നഡ ഡയലോഗുകള്*ക്ക് തിയേറ്ററുകളില്* നിറഞ്ഞ കയ്യഡിയാണ്. സുരാജ് വെഞ്ഞാറമ്മൂടിന്*റെ ദശമൂലം ദാമു എന്ന കഥാപാത്രം ചിരിയുടെ അലകള്* തീര്*ക്കുന്നു.

ദിലീപ് - സിദ്ദിഖ് ടീമിന്*റെ ബോഡി ഗാര്*ഡാണ് ഹിറ്റ് ചാര്*ട്ടില്* മൂന്നാമത്. തകര്*പ്പന്* വിജയം നേടുമെന്ന് പ്രതീക്ഷിച്ചിരുന്ന ബോഡി ഗാര്*ഡിന് അത്ര മികച്ച പ്രതികരണമല്ല തിയേറ്ററുകളില്* ലഭിക്കുന്നത്. നല്ല കഥയുടെ അഭാവവും സിദ്ദിഖ് ചിത്രങ്ങളുടെ മുഖമുദ്രയായ കോമഡി പ്രതീക്ഷിച്ച രീതിയില്* വര്*ക്കൌട്ട് ആകാത്തതും ഈ സിനിമയെ പ്രതികൂലമായി ബാധിച്ചു.
Pro
എങ്കിലും ചിത്രം പതിയെ പിടിച്ചുകയറാനാണ് സാധ്യത.
Pro

മോഹന്*ലാലിന്*റെ ഇവിടം സ്വര്*ഗമാണ് ഹിറ്റ് ചാര്*ട്ടില്* അഞ്ചാം സ്ഥാനത്താണ്. മികച്ച ചിത്രം എന്ന അഭിപ്രായത്തോടെ മുന്നേറുന്ന ‘സ്വര്*ഗ’ത്തിന് കുടുംബപ്രേക്ഷകരുടെ തള്ളിക്കയറ്റമാണ് ഗുണം ചെയ്യുന്നത്. മോഹന്*ലാല്*, ലാലു അലക്സ്, ശ്രീനിവാസന്* എന്നിവരുടെ പെര്*ഫോമന്*സാണ് ചിത്രത്തിന്*റെ ഹൈലൈറ്റ്. ലാലു അലക്സിന്*റെ ആലുവാ ചാണ്ടി എന്ന കഥാപാത്രമാണ് സിനിമയുടെ ഗതിയെ രസകരമാക്കുന്നത്. വരവേല്*പ്പ്, വെള്ളാനകളുടെ നാട് തുടങ്ങിയ സിനിമകള്* പോലെ തിയേറ്ററുകളില്* നന്**മയുള്ള നര്*മ്മം വിതറുന്ന ഈ ചിത്രത്തിന് റോഷന്* ആന്*ഡ്രൂസിന്*റെ മികച്ച സംവിധാനവും ജയിംസ് ആല്**ബര്*ട്ടിന്*റെ ഇഴയടുപ്പമുള്ള തിരക്കഥയും ഗുണമായി.

മമ്മൂട്ടി - എം ടി - ഹരിഹരന്* ടീമിന്*റെ പഴശ്ശിരാജ, പ്രമോദ് പപ്പന്* സംവിധാനം ചെയ്ത ബ്ലാക്ക് സ്റ്റാലിയണ്* എന്നീ ചിത്രങ്ങള്* ഹിറ്റ് ചാര്*ട്ടില്* നിന്ന് പുറത്തായി.