ഓര്*ഡിനറി - review

ഒരു സിനിമയുടെ പേരും അതിന്*റെ കഥയും തമ്മില്* വലിയ ചേര്*ച്ചയുണ്ടാകുന്നത് സിനിമയ്ക്ക് ഗുണമാണ്. എന്നാല്* ‘ഓര്*ഡിനറി’ എന്ന സിനിമയ്ക്ക് ആ പേര് അറം*പറ്റിയിരിക്കുകയാണ്. ‘ഓര്*ഡിനറി’ ഒരു ഓര്*ഡിനറി ചിത്രം മാത്രം. അസാധാരണമായി ഒന്നുമില്ല. ഒന്നും പ്രതീക്ഷിക്കാതെ ചെന്നാല്* ഒരു സാധാരണ ചിത്രം കണ്ട് മടങ്ങിപ്പോരാം.

ഓര്*ഡിനറി താരബഹളമുള്ള ഒരു സിനിമയാണ്. കുഞ്ചാക്കോ ബോബന്*, ആസിഫ് അലി, ബിജു മേനോന്*, ജിഷ്ണു, ബാബുരാജ്, ആന്* അഗസ്റ്റിന്* തുടങ്ങി പ്രേക്ഷകര്*ക്ക് പ്രിയപ്പെട്ട ഒരുപാട് താരങ്ങളുണ്ട് ഈ സിനിമയില്*. എന്നാല്* സീനിയേഴ്സ് പോലെ ഒരു ആഘോഷചിത്രം പ്രതീക്ഷിച്ച് തിയേറ്ററിലെത്തിയാല്* കടുത്ത നിരാശയിലായിപ്പോകും.

സുഗീത് എന്ന നവാഗതനാണ് ‘ഓര്*ഡിനറി’ അണിയിച്ചൊരുക്കിയത്. പത്തനംതിട്ട - ഗവി റൂട്ടിലോടുന്ന ഒരു കെ എസ് ആര്* ടി സി ബസാണ് ചിത്രത്തിലെ നായകന്*! മലയാള സിനിമ ഇതുവരെ കണ്ടിട്ടില്ലാത്ത ലൊക്കേഷനില്* ചിത്രീകരിച്ച ഒരു സാധാരണ ചിത്രമാണ് ഓര്*ഡിനറി.

സര്*വീസില്* ഇരിക്കുമ്പോള്* അച്ഛന്* മരിച്ചതിനാല്* ജോലി കിട്ടുന്ന ഇരവിക്കുട്ടന്* പിള്ള(കുഞ്ചാക്കോ ബോബന്*) ആണ് ചിത്രത്തിന്*റെ കഥ മുന്നോട്ടു കൊണ്ടുപോകുന്നത്*. കെ എസ് ആര്* ടി സി ബസില്* കണ്ടക്ടറായാണ് നിയമനം. പത്തനംതിട്ട - ഗവി റൂട്ടിലോടുന്ന ബസില്*. ആ ബസിന്*റെ ഡ്രൈവര്* സുകു(ബിജു മേനോന്*).

ഗവി എന്ന പ്രദേശത്തേക്കുള്ള ഏക ബസ് ആയിരുന്നു അത്. അതുകൊണ്ടുതന്നെ ബസിലെ ജീവനക്കാര്* ഗവിക്കാര്*ക്കും പ്രിയപ്പെട്ടവരായി. വേണു മാഷും(ലാലു അലക്സ്) കുടുംബവുമായും ഇരവിക്കുട്ടന്* പിള്ളയും സുകുവും അടുത്തു. അങ്ങനെയിരിക്കെയാണ് ആ സംഭവമുണ്ടായത്.

ഒരു ദിവസം നന്നായി മദ്യപിച്ച സുകുവിന് ബസ് ഓടിക്കാന്* കഴിയാതെ വരുന്നു. പകരം ഇരവിക്കുട്ടന്* പിള്ള ബസ് ഓടിക്കുന്നു. വഴിയില്* വച്ച് അവിചാരിതമായി അപകടമുണ്ടാകുന്നു. അപകടത്തില്* പരുക്കേറ്റയാളെ അതുവഴി വന്ന ഒരു ജീപ്പില്* കയറ്റി ആശുപതിയിലേക്ക് അയയ്ക്കുന്നു. അപകടത്തില്* പെട്ടത് വേണുമാഷിന്*റെ മകന്* ആയിരുന്നു എന്ന് പിന്നീട് സുകുവും ഇരവിക്കുട്ടന്* പിള്ളയും തിരിച്ചറിയുന്നു. വേണുമാഷിന്*റെ മകന്*റെ മൃതദേഹം പിറ്റേന്ന് കൊക്കയില്* നിന്ന് കണ്ടെടുക്കുന്നതോടെ കഥ മാറുകയാണ്.

കുഞ്ചാക്കോ ബോബനും ബിജു മേനോനും നിറഞ്ഞുനില്*ക്കുകയാണ് ഓര്*ഡിനറിയില്*. ബിജു മേനോന്*റെ ഓരോ ഡയലോഗിനും കയ്യടിയാണ്. ചാക്കോച്ചന്* ഗംഭീര പ്രകടനമാണ് നടത്തിയതെങ്കിലും ഇടയ്ക്കൊക്കെ ദിലീപിന്*റെ മാനറിസങ്ങളുടെ സ്വാധീനം വ്യക്തമായി.

ആസിഫ് ആലി സിനിമയുടെ തുടക്കത്തില്* അല്*പ്പം ഓവര്* പ്രകടനമാണ് നടത്തുന്നത്. എങ്കിലും സിനിമ വികസിക്കവേ ആസിഫും ട്രാക്കില്* വീണു. എടുത്തുപറയേണ്ട ഒരു പേര് ബാബുരാജിന്*റേതാണ്. സോള്*ട്ട് ആന്*റ് പെപ്പറിന് ശേഷം ഇമേജ് മാറ്റം സംഭവിച്ച ബാബുരാജ് ഓര്*ഡിനറിയുടെ ആദ്യപകുതിയില്* മിന്നിത്തിളങ്ങി.

ബസ് യാത്രക്കാരനായ മദ്യപാനിയുടെ വേഷത്തിലാണ് ബാബുരാജ് ഈ സിനിമയിലുള്ളത്. “ബിവറേജ്സ് ഇസ് മൈ കണ്**ട്രി... ഓള്* കുടിയന്*സ് ആര്* മൈ ബ്രദേഴ്സ് ആന്*റ് സിസ്റ്റേഴ്സ്” എന്ന ഡയലോഗിന് സൂപ്പര്* കൈയടി കിട്ടി. എന്നാല്* രണ്ടാം പകുതിയില്* ഈ കഥാപാത്രത്തെ കാണാനേയില്ല.

ചാക്കോച്ചന്* പറയുന്ന ഒരു ഡയലോഗിന് തിയേറ്റര്* കുലുങ്ങി. ‘ഇംഗ്ലീഷ് പറയുന്ന ഒരേയൊരു കണ്ടക്ടര്* ഞാന്* മാത്രമാണ്’ - ഹൊ...! കൈയടിയും കൂവലും കാരണം കുറച്ചുനേരത്തേക്ക് വേറെ ഡയലോഗൊന്നും കേള്*ക്കാന്* പറ്റിയില്ല. പൃഥ്വിരാജ് തരംഗം ഇവിടെത്തന്നെയുണ്ട്, എങ്ങും പോയിട്ടില്ല!

ജിഷ്ണു, ആന്* അഗസ്റ്റിന്* പുതിയ നായിക എന്നിവരൊക്കെ ശരാശരി പ്രകടനം നടത്തി. ഗാനങ്ങള്* ആസ്വാദ്യകരമാണ്. മികച്ച ഛായാഗ്രഹണമാണ് ചിത്രത്തിന്*റേത്.
ഗവിയുടെ മനോഹാരിത ഒട്ടും ചോരാതെ പകര്*ത്തിയിട്ടുണ്ട്.

രണ്ടാം പകുതിയിലെ ചില പാളിച്ചകളും പ്രവചിക്കാവുന്ന ക്ലൈമാക്സുമാണ് ഈ സിനിമയുടെ ദൌര്*ബല്യം. എങ്കിലും കമല്* ശിഷ്യനായ സുഗീതില്* നിന്ന് മലയാളികള്*ക്ക് ഇനിയുമേറെ പ്രതീക്ഷിക്കാം എന്ന് ഉറപ്പുപറയാം.