ഡോ.സണ്ണിയായി വീണ്ടും മോഹൻലാൽ

[minisoji]

ഡോ.സണ്ണി എന്ന കഥാപാത്രത്തെ കുറിച്ച് ചോദിച്ചാൽ ഒറ്റ ശ്വാസത്തിൽ ഉത്തരം പറയുന്നവരാണ് മലയാളികൾ. പ്രേക്ഷകമനസ്സുകളിൽ അത്രയ്ക്കും ആഴത്തിലാണ് മണിച്ചിത്രത്താഴ് എന്ന സിനിമയും അതിലെ കഥാപാത്രങ്ങളും കടന്നു ചെന്നിരിക്കുന്നത്.

സിനിമയിൽ മോഹൻലാൽ അവതരിപ്പിച്ച സണ്ണി എന്ന കഥാപാത്രത്തിനോട് എല്ലാവർക്കും ഒരു പ്രത്യേക ഇഷ്ടവുമായിരുന്നു. ആ ഇഷ്ടം വീണ്ടും ഉണ്ടാക്കുവാനുള്ള ശ്രമത്തിലാണ് സംവിധായകൻ പ്രിയദർശൻ. അറബീം ഒട്ടകോം മാധവൻനായരും എന്ന പ്രിയൻ-ലാൽ കൂട്ടുകെട്ടിനു ശേഷമുള്ള സിനിമയിലാണ് മോഹൻലാൽ ഡോ.സണ്ണിയായി വേഷമിടുന്നത്.

ചിത്രത്തെ കുറിച്ചുള്ള കൂടുതൽ വിവരങ്ങൾ പുറത്തു വിട്ടിട്ടില്ല. മണിച്ചിത്രത്താഴ് എന്ന സിനിമയുമായി തന്രെ പുതിയ സിനിമയ്ക്ക് ഒരു ബന്ധവുമില്ലെന്നും അതിലെ ഡോ.സണ്ണി എന്ന കഥാപാത്രത്തെ മാത്രമേ പുനരവതിപ്പിക്കുന്നുള്ളൂ എന്നുമാണ് പ്രിയദർശൻ പറഞ്ഞത്. ആന്രണി പെരുന്പാവൂർ നിർമ്മിക്കുന്ന ചിത്രത്തിന്രെ കഥയും തിരക്കഥയും തയ്യാറാക്കുന്നത് പ്രിയദർശനാണ്. ചിത്രത്തിന്രെ ഷൂട്ടിംഗ് ജൂണിൽ ആരംഭിക്കുമെന്നാണ് അറിയാൻ കഴിഞ്ഞത്.

Mohanlal

Keywords: mohanlal, doctor sunny mohanlal, mohanlal new film, mohanlal images, mohanlal stills