മലയാള സിനിമ നേട്ടത്തിന്*റെ വഴിയിലാണ്. 2010ലെ ആദ്യ ആറുമാസത്തെ കണക്കെടുപ്പുകള്* കഴിഞ്ഞ വര്*ഷത്തെ അപേക്ഷിച്ച് തികച്ചും ലാഭകരം. 2009ല്* ആകെ റിലീസായ 72 സിനിമകള്* അഞ്ചെണ്ണം മാത്രമാണ് ഹിറ്റായത്. ഈ വര്*ഷം ആദ്യ ആറുമാസത്തില്* തന്നെ ഏഴ് ഹിറ്റുകള്* ലഭിച്ചിരിക്കുന്നു. അതായത് കഴിഞ്ഞ വര്*ഷത്തേക്കാള്* ഇരട്ടിയിലധികം നേട്ടം.

ഈ വര്*ഷം ജൂണ്* ആദ്യവാരം വരെ 34 സിനിമകളാണ് റിലീസായത്. ഇതില്* ഏഴു സിനിമകള്* ഗംഭീരവിജയം നേടി. പരാജയപ്പെട്ടവയാകട്ടെ അത്ര കനത്ത പരാജയമെന്ന് പറയാനുമില്ല. ഈ വര്*ഷം നേട്ടമുണ്ടാക്കിയ ഏഴുസിനിമകള്* ഇവയാണ്:

1. ഹാപ്പി ഹസ്ബന്*ഡ്സ് - ഈ വര്*ഷത്തെ ആദ്യ മെഗാഹിറ്റ്. സജി സുരേന്ദ്രന്* സംവിധാനം ചെയ്ത ഈ ചിത്രം 150 ദിവസത്തിന് ശേഷവും പ്രദര്*ശനം തുടരുകയാണ്. കൃഷ്ണ പൂജപ്പുരയുടെ രസപ്രദമായ തിരക്കഥയാണ് ഈ സിനിമയുടെ ബലം. ജയറാം, ജയസൂര്യ, ഇന്ദ്രജിത്ത് എന്നിവര്* തകര്*ത്തഭിനയിച്ച ഹാപ്പി ഹസ്ബന്*ഡ്സിന്*റെ വിജയം സജി സുരേന്ദ്രനെ മലയാളത്തിലെ മുന്**നിര സംവിധായകനാക്കിയിരിക്കുകയാണ്.

2. ഇന്* ഗോസ്റ്റ് ഹൌസ് ഇന്* - ഹരിഹര്* നഗര്* സീരീസിലെ ഈ മൂന്നാം ചിത്രവും ആദ്യ രണ്ട് പതിപ്പുകളുടെ വന്* വിജയം ആവര്*ത്തിച്ചു. കോമഡിയും ഹൊററും ചേര്*ന്ന് ഒരു പുതിയ പരീക്ഷണമാണ് സംവിധായകന്* ലാല്* ഈ ചിത്രത്തില്* നടത്തിയത്. മുകേഷ്, ജഗദീഷ്, അശോകന്*, സിദ്ദിഖ് കൂട്ടുകെട്ടിന്*റെ രസതന്ത്രം തന്നെയായിരുന്നു ഗോസ്റ്റ് ഹൌസിന്*റെ വിജയത്തില്* പ്രധാന പങ്കുവഹിച്ചത്. മികച്ച തിരക്കഥയും നല്ല ഗാനങ്ങളും ചിത്രത്തിന് ഗുണമായി.

3. പാപ്പീ അപ്പച്ചാ - പരാജയങ്ങളുടെ പടുകുഴില്* പെട്ടുകിടന്ന ദിലീപിന് ആശ്വാസമായി പാപ്പീ അപ്പച്ചായുടെ മെഗാ വിജയം. നവാഗതനായ മമാസ് അണിയിച്ചൊരുക്കിയ ഈ ചിത്രത്തിന് ഏറ്റവും ഗുണമായത് സിനിമാ സമരമാണ്. സമരകാലത്ത് പുതിയ റിലീസുകള്* ഇല്ലാതിരുന്നത് ചിത്രത്തിന്*റെ കളക്ഷനില്* ഗണ്യമായ വര്*ദ്ധനവുണ്ടാക്കി. ദുര്*ബലമായ തിരക്കഥയില്* നിന്ന് ഒരു മെഗാഹിറ്റുണ്ടായത് മലയാള സിനിമാലോകത്തെയാകെ അമ്പരപ്പിച്ച സംഗതിയാണ്.

4. ജനകന്* - ഈ ആറുമാസത്തിനിടെയുണ്ടായ ഏറ്റവും സാമൂഹ്യപ്രസക്തിയുള്ള ചിത്രമായിരുന്നു ജനകന്*. മോഹന്*ലാലും സുരേഷ്ഗോപിയും ഒന്നിച്ച ഈ സിനിമ നവാഗതനായ എന്* ആര്* സഞ്ജീവാണ് സംവിധാനം ചെയ്തത്. എസ് എന്* സ്വാമിയുടെ കരുത്തുറ്റ തിരക്കഥയും സുരേഷിന്*റെയും ലാലിന്*റെയും തകര്*പ്പന്* പ്രകടനവുമായിരുന്നു ചിത്രത്തിന്*റെ വിജയത്തിന് കാരണം.

5. പോക്കിരിരാജ - ഈ കാലയളവിലുണ്ടായ ഏറ്റവും വലിയ ഹിറ്റ്. 32 ദിവസം പിന്നിടുമ്പോള്* 17 കോടി രൂപയാണ് ഈ ചിത്രത്തിന് ഗ്രോസ് വന്നിരിക്കുന്നത്. മമ്മൂട്ടിയുടെയും പൃഥ്വിരാജിന്*റെയും സാന്നിധ്യമാണ് ഈ സിനിമയുടെ മെഗാവിജയത്തിന് കാരണം. നവാഗതനായ വൈശാഖ് സംവിധാനം ചെയ്ത ഈ ചിത്രത്തിന് തിരക്കഥയെഴുതിയത് ഉദയ്*കൃഷ്ണയും സിബി കെ തോമസും ചേര്*ന്നാണ്. ശ്രേയാ സരണ്* മലയാളത്തിലെത്തിയ ചിത്രം എന്ന നിലയ്ക്കും പോക്കിരിരാജ ശ്രദ്ധേയമായി. ജാസി ഗിഫ്റ്റ് ഈണം പകര്*ന്ന എല്ലാ ഗാനങ്ങളും സൂപ്പര്*ഹിറ്റാണ്.

6. കഥ തുടരുന്നു - സത്യന്* അന്തിക്കാടിന്*റെ അമ്പതാം ചിത്രമായ കഥ തുടരുന്നു സാവധാനമാണ് ഹിറ്റായി മാറിയത്. ആദ്യമുണ്ടായ സമ്മിശ്രപ്രതികരണത്തെ മറികടക്കാന്* കുടുംബപ്രേക്ഷകരുടെ പിന്തുണയാണ് സഹായകമായത്. മം*മ്തയുടെ കരുത്തുറ്റ കഥാപാത്രമാണ് ഈ ചിത്രത്തിന്*റെ ഹൈലൈറ്റ്. ഇളയരാജയുടെ ഗാനങ്ങളും രസകരമായ മുഹൂര്*ത്തങ്ങളും പ്രേക്ഷകരെ ചിത്രത്തിലേക്ക് അടുപ്പിച്ചു.

7. മമ്മി ആന്*റ് മി - ജീത്തു ജോസഫ് സംവിധാനം ചെയ്ത ഈ ചിത്രം രണ്ടാഴ്ചയ്ക്കുള്ളില്* റിലീസിംഗ് സെന്*ററുകളില്* നിന്ന് 3.10 കോടി രൂപയാണ് ഗ്രോസ് നേടിയത്. അമ്മയും മകളും തമ്മിലുള്ള ഹൃദയബന്ധം ആവിഷ്കരിച്ച ഈ സിനിമയെ കുടുംബപ്രേക്ഷകരാണ് ഹിറ്റാക്കുന്നത്. ഉര്*വശിയുടെയും അര്*ച്ചന കവിയുടെയും തകര്*പ്പന്* പ്രകടനവും സുരേഷ്ഗോപിയുടെ അതിഥിവേഷവുമാണ് മമ്മി ആന്*റ് മിയെ ആകര്*ഷകമാക്കുന്നത്.