സിഗരറ്റ് വലിക്കില്ല, മദ്യപിക്കില്ല, ക്ലാസില്* ഒന്നാമതെത്തണം, ജിമ്മില്* പോകണം തുടങ്ങി, ലോകമെമ്പാടുമുള്ള എല്ലാവരും ഒട്ടനേകം പുതിയ തീരുമാനങ്ങള്* കൈക്കൊള്ളുന്ന സീസനാണല്ലോ പുതുവത്സരം. തെന്നിന്ത്യന്* സ്വപ്നസുന്ദരിയായ തൃഷയും ഒരു പുതിയ ന്യൂ*ഇയര്* തീരുമാനം എടുത്തിരിക്കുന്നു. 2011 അവസാനിക്കുന്നതിന് മുമ്പ് തെലുങ്കില്* ഏറ്റവും പ്രതിഫലം വാങ്ങുന്ന നായികയാകണം എന്നതാണ് മദിരാശിക്കാരിയായ തൃഷയുടെ ഏറ്റവും പുതിയ തീരുമാനം. ഇപ്പോള്* ഇലിയാന ഡിക്രൂസ് എന്ന ഗോവക്കാരിയാണ് തെലുങ്കില്* ഏറ്റവും ജനപ്രിയ നായിക.

കഴിഞ്ഞ വര്*ഷം തെലുങ്കിലെ ഏറ്റവും ജനപ്രിയ നായികയായിരുന്നു ഇരുപത്തിയേഴുകാരിയായ തൃഷ. എന്നാല്* ഇരുപത്തിനാലുകാരിയായ ഇലിയാനയുടെ കടന്നുവരവോടെ തൃഷയുടെ കിരീടം തെറിച്ചു. ‘ദേവദാസ്’ (2006) എന്ന സിനിമയിലൂടെ തെലുങ്കില്* എത്തിയ ഇലിയാന ഗ്ലാമര്* വേഷങ്ങളിലൂടെ തെലുങ്ക് പ്രേക്ഷകരെ കയ്യിലെടുത്തു. കേഡി (2006) എന്ന സിനിമയിലൂടെ തമിഴകം പിടിച്ചടക്കാന്* ഇലിയാന ശ്രമിച്ചെങ്കിലും പടം പാളിപ്പോയി. തുടര്*ന്ന് തെലുങ്കില്* മാത്രം ശ്രദ്ധ കേന്ദ്രീകരിച്ച ഇലിയാന തെലുങ്കിലെ ഏറ്റവും ജനപ്രിയ നായികയെന്ന കിരീടം കൈക്കലാക്കുകയായിരുന്നു.

ഹിന്ദിയിലും തമിഴിലും ത്രൃഷ ശ്രദ്ധ കേന്ദ്രീകരിച്ച സമയത്താണ് ഇലിയാന തെലുങ്കില്* വെന്നിക്കൊടി പാറിച്ചത്. തൃഷയുടെ ഹിന്ദി സിനിമയായ ‘ഖട്ടാ മീട്ടാ’ (സം*വിധാനം പ്രിയദര്*ശന്*) എട്ടുനിലയില്* പൊട്ടി. എന്നാല്* ചിമ്പു നായകനായ ‘വിണ്ണൈത്താണ്ടി വരുവായാ’, കമലാഹാസന്* നായകനായ ‘മന്മഥന്* അമ്പ്’ എന്നീ സിനിമകളില്* മികച്ച അഭിനയം പുറത്തെടുത്ത് തമിഴകത്ത് തൃഷ അത്ഭുതങ്ങള്* സൃഷ്ടിച്ചു. എന്നാല്* അതൊന്നും പോരെന്നാണ് തൃഷയുടെ തീരുമാനം. നഷ്ടപ്പെട്ട തെലുങ്ക് കിരീടം 2011-ല്* തിരിച്ചുപിടിക്കാനുള്ള പുറപ്പാടിലാണ് തൃഷ.

ഇതിനിടെ തൃഷയും അസിനുമെല്ലാം വിലസുന്ന തമിഴില്* വീണ്ടുമൊരു കൈ നോക്കാന്* 2011-ല്* ഇലിയാന എത്തുന്നുണ്ട്. സാക്ഷാല്* ശങ്കര്* സംവിധാനം ചെയ്യുന്ന ‘നന്**പന്*’ (ത്രീ ഇഡിയറ്റ്*സിന്*റെ റിമേക്ക് ആണിത്) എന്ന ചിത്രത്തിലൂടെയാണ് ഇലിയാന വീണ്ടും തമിഴില്* എത്തുന്നത്. ഒപ്പം തന്നെ, അനുരാഗ് ബസു സംവിധാനം ചെയ്യുന്ന രണ്**ബീര്* കപൂര്* ചിത്രത്തിലൂടെ (ബാര്*ഫീ എന്നാണ് സിനിമയുടെ പേര്) ഹിന്ദിയിലും ഇലിയാന ഒരു കൈ നോക്കും. ഹിന്ദിക്കും തമിഴിനും ഇലിയാന ഊന്നല്* കൊടുക്കുന്ന സമയത്ത് തെലുങ്കില്* കൂടുതല്* സിനിമകളില്* അഭിനയിച്ച് നഷ്ടപ്പെട്ട കിരീടം തിരിച്ച് പിടിക്കാം എന്നാണ് തൃഷയുടെ ഐഡിയ.

അജിത്ത് നായകാനാകുന്ന ‘മങ്കാത്ത’ എന്ന സിനിമയിലാണ് തൃഷ ഇപ്പോള്* അഭിനയിച്ചുകൊണ്ടിരിക്കുന്നത്. ഖുഷിക, സാവിത്രി എന്നിങ്ങനെ രണ്ട് തെലുങ്ക് സിനിമകള്*ക്കും തൃഷ കരാര്* ആയിട്ടുണ്ട്. സാവിത്രി എന്ന സിനിമയില്* നയന്**താരയാണ് നായികയെ അവതരിപ്പിക്കേണ്ടിയിരുന്നത്. എന്നാല്* ‘പേഴ്സണല്*’ കാരണങ്ങളാല്* താന്* അഭിനയിക്കുന്നില്ല എന്ന് പറഞ്ഞ് നയന്**താര ഒഴിയുകയായിരുന്നു. മികച്ച കഥാപാത്രമാണ് സാവിത്രിയിലേതെന്ന് നയന്**താര മാധ്യമങ്ങളോട് പറഞ്ഞിരുന്നു. എന്തായാലും, ത്രിഷ - ഇലിയാന യുദ്ധത്തില്* ആര്*ക്കാണ് വിജയമെന്ന് വരും നാളുകളില്* കണ്ടറിയാം.



Keywords: Malayalam film news, today film news, cinema diary, hindi film news, Tamil film news,hot news, movie reviews,Bollywood news, Hollywood news