ലോകകപ്പിലെ സ്വന്തം പ്രകടനത്തില്* താന്* തൃപ്തനല്ലെന്ന് മലയാളികളുടെ പ്രിയതാരം ശ്രീശാന്ത്. എന്നാല്* ലോകകപ്പ് നേടാനായത് വലിയ കാര്യമാണെന്നും അദ്ദേഹം പറഞ്ഞു. ലോകപ്പ് വിജയത്തിനുശേഷം നെടുമ്പാശ്ശേരി വിമാനത്താവളത്തിലെത്തിയ ശ്രീശാന്ത് മാധ്യമപ്രവര്*ത്തകരോട് സംസാരിക്കുകയായിരുന്നു അദ്ദേഹം.

തിങ്കളാഴ്ച രാത്രി 08.10ന് എയര്* ഇന്ത്യയുടെ വിമാനത്തിലാണ് ശ്രീശാന്ത് സഹോദരന്* ദീപുവിനൊപ്പം വന്നിറങ്ങിയത്. ലോകകപ്പ് ഫൈനലില്* ആദ്യമായി കളിച്ച ശ്രീശാന്തിന് നെടുമ്പാശ്ശേരിയില്* ഊഷ്മളസ്വീകരണമാണ് നല്കിയത്. തലപ്പാവും ചന്ദനമാലയുമണിയിച്ചാണ് മലയാളികളുടെ അഭിമാനതാരത്തെ സ്വീകരിച്ചത്.

സച്ചിനൊപ്പം ലോകകപ്പ് കളിക്കുക എന്നത് സ്വപ്നസാഫല്യമാണെന്ന് ശ്രീശാന്ത് പറഞ്ഞു. ഈ ഡീമില്* ഒരംഗമാകാന്* കഴിഞ്ഞത് ദൈവാനുഗ്രഹമായി തന്നെ കാണുന്നു. തന്നെ സംബന്ധിച്ച് ഇതൊരു തുടക്കമാണ്. ഇനിയും ഏറെ മുന്നോട്ടു പോകാനുണ്ട്. എന്നാല്*, ഇപ്പോള്* ലോകകപ്പിന്റെ ത്രില്ലിലാണെന്നും അതുകഴിഞ്ഞാല്* ഐ പി എല്ലില്* ശ്രദ്ധ കേന്ദ്രീകരിക്കും. ഏഴിനോ എട്ടിനോ ക്യാമ്പില്* റിപ്പോര്*ട്ട് ചെയ്യും. കെ സി എ ഭാരവാഹികള്* അടക്കമുള്ളവര്* സ്വീകരിക്കാനെത്തിയതില്* അഹ്ലാദമുണ്ടെന്നും ശ്രീ പറഞ്ഞു.

ശ്രീശാന്തിനെ സ്വീകരിക്കാന്* അച്*ഛന്* ശാന്തകുമാരന്* നായരും അമ്മ സാവിത്രിദേവിയും ഒപ്പമെത്തിയിരുന്നു. ടെര്*മിനലിനുള്ളില്* കാത്തുനിന്ന അച്*ഛനെയും അമ്മയെയും കെട്ടിപ്പിടിച്ചാണ് ശ്രീ ആഹ്ലാദം പങ്കുവെച്ചത്. സഹോദരി വിനിത, സഹോദര ഭാര്യ കല്പന ദീപു എന്നിവരും ശ്രീയെ സ്വീകരിക്കാന്* എത്തിയിരുന്നു.


Keywords: Sree not satisfied his own performance in World Cup,sreesanth, sister vineetha, sreesanth father santhakumaran, mother savithri devi,IPL,