ജീത്തു ജോസഫ് എന്ന സംവിധായകന്* വ്യത്യസ്തമായ സിനിമകള്* ചെയ്യാന്* ആഗ്രഹിക്കുന്നയാളാണ്. താന്* ചെയ്യുന്ന സിനിമകള്* പല കാറ്റഗറിയില്* ഉള്ളതാക്കാനാണ് അദ്ദേഹം ശ്രമിക്കുന്നത്. ആദ്യം സംവിധാനം ചെയ്തത് ‘ഡിറ്റക്ടീവ്’ എന്ന ത്രില്ലറായിരുന്നു. സുരേഷ്ഗോപിയുടെ പുതുമയുള്ള അഭിനയവും സബ്ജക്ടിലെ ഫ്രഷ്നെസും പടം ഹിറ്റാക്കി.

പിന്നീട് ‘മമ്മി ആന്*റ് മി’ എന്ന പക്കാ കുടുംബചിത്രമാണ് ജീത്തു ജോസഫ് ഒരുക്കിയത്. നായികാപ്രാധാന്യമുള്ള സിനിമയായിട്ടും അത് സൂപ്പര്*ഹിറ്റായി. നീണ്ട ഇടവേളയ്ക്ക് ശേഷം ‘മൈ ബോസ്’ എന്ന സിനിമയുമായി ജീത്തു വരികയാണ്.

മൈ ബോസ് ഒരു കോമഡിച്ചിത്രമാണ്. മുംബൈ ആസ്ഥാനമായ ഐ ടി കമ്പനിയിലെ ഉദ്യോഗസ്ഥനും അയാളുടെ ലേഡി ബോസും തമ്മിലുള്ള സവിശേഷമായ ബന്ധം രസകരമായി പറയുകയാണ് ഈ സിനിമ. ദിലീപ് ഒരു സോഫ്റ്റുവെയര്* എഞ്ചിനീയറായും മം*മ്ത അദ്ദേഹത്തിന്*റെ ബോസായും അഭിനയിക്കുന്നു.

ബോസ് പറയുന്നതെന്തും അക്ഷരാര്*ത്ഥത്തില്* അനുസരിക്കുന്നവനാണ് ഈ ഉദ്യോഗസ്ഥന്*. അല്ലെങ്കില്*, അയാളെ കുരങ്ങുകളിപ്പിക്കുന്നയാളാണ് ഈ ലേഡി ബോസ് എന്നും പറയാം. താന്* വരച്ച വരയില്* നിന്ന് മാറി സഞ്ചരിക്കാന്* ബോസ് അയാളെ അനുവദിക്കില്ല. എന്നാല്* ഇവരുടെ ബന്ധം മറ്റൊരു തലത്തിലേക്ക് വളരുന്നു. അതിന്*റെ വികാസപരിണാമങ്ങളാണ് മൈ ബോസ് കാണിച്ചുതരുന്നത്.

മേയ് ആദ്യവാരം ചിത്രീകരണം ആരംഭിക്കുന്ന മൈ ബോസ് ഈസ്റ്റുകോസ്റ്റ് വിജയനാണ് നിര്*മ്മിക്കുന്നത്. സലിം കുമാര്*, സായികുമാര്*, ലെന തുടങ്ങിയവരും ഈ ചിത്രത്തില്* പ്രധാന കഥാപാത്രങ്ങളെ അവതരിപ്പിക്കുന്നു.

Mamta Mohandas:More stills


Keywords:Saikumar, Lena, Salimkumar,My Boss,Comedy film,Eastcost Vijayan,Mummy and Me,Dileep's Boss Mamta