‘താമരാക്ഷന്*പിള്ള’യെ കണ്ടുകിട്ടി, പറക്കും തളികയ്ക്ക് രണ്ടാം ഭാഗം തുടങ്ങുന്നു!
മലയാളത്തില്* ചിരിയുടെ പൂരം സൃഷ്ടിച്ച ‘ഈ പറക്കും തളിക’യുടെ രണ്ടാം ഭാഗം അണിയറയില്* ഒരുങ്ങുന്നു. താഹ സംവിധാനം ചെയ്യുന്ന ചിത്രത്തിന്*റെ ഷൂട്ടിംഗ് ഈ വര്*ഷം അവസാനം ആരംഭിക്കുമെന്ന് സൂചന. വി ആര്* ഗോപാലകൃഷ്ണനാണ് തിരക്കഥ രചിക്കുന്നത്.
പറക്കും തളികയുടെ രണ്ടാം ഭാഗം എന്ന ആശയം നേരത്തേ താഹയുടെ മനസില്* ഉണ്ടായിരുന്നതാണ്. എന്നാല്* ഈ പ്രൊജക്ടിന് തടസമായി നിന്ന ഒരു പ്രശ്നമുണ്ടായിരുന്നു. ‘ഈ പറക്കും തളിക’യില്* പ്രധാന കഥാപാത്രമായിരുന്ന ‘താമരാക്ഷന്* പിള്ള’ എന്ന ബസ് ഇപ്പോള്* എവിടെയാണെന്ന് നിശ്ചയമില്ലായിരുന്നു. പറക്കും തളികയുടെ ചിത്രീകരണം അവസാനിക്കുന്ന സമയത്ത് ഉണ്ടായ സാമ്പത്തികപ്രശ്നം പരിഹരിക്കുന്നതിനായി ആ ബസ് നിര്*മ്മാതാവ് വിറ്റിരുന്നു. പടം സൂപ്പര്*ഹിറ്റായിക്കഴിഞ്ഞ് ബസിനെപ്പറ്റി അന്വേഷിച്ചെങ്കിലും അത് കണ്ടെത്താനായില്ല.
എന്നാല്* ഇപ്പോള്* ആ ബസ് കണ്ടെടുത്തതാണ് രണ്ടാം ഭാഗത്തിനുള്ള ശ്രമങ്ങള്* വീണ്ടും ആരംഭിക്കാന്* ഇടയാക്കിയത്. അവിചാരിതമായി സംവിധായകന്* താഹ പൊള്ളാച്ചിയിലൂടെ സഞ്ചരിക്കുമ്പോള്* ‘താമരാക്ഷന്*പിള്ള’ ബസ് ഒരിടത്ത് ഉപേക്ഷിക്കപ്പെട്ട നിലയില്* കണ്ടെത്തുകയായിരുന്നു. ബസ് പൊളിച്ചുമാറ്റാനായി കൊണ്ടുവന്നവര്* അതുചെയ്യാതെ മാറ്റിയിട്ടിരിക്കുന്ന നിലയിലായിരുന്നു ബസ്. അതോടെ താഹയും നിര്*മ്മാതാവ് കാസ് ഹംസയും ചേര്*ന്ന് ബസ് തിരികെ വാങ്ങി. പറക്കും തളികയുടെ രണ്ടാം ഭാഗത്തിന്*റെ ആലോചന സജീവമാകുകയും ചെയ്തു.
‘വീരപ്പന്* കുറുപ്പ്’ എന്ന പൊലീസ് ഉദ്യോഗസ്ഥനെ അവതരിപ്പിച്ച കൊച്ചിന്* ഹനീഫയുടെ അസാന്നിധ്യവും രണ്ടാം പറക്കും തളികയുടെ പകിട്ടിന് മങ്ങലേല്*പ്പിക്കും. എന്നാല്* ഇതിനെയെല്ലാം മറികടക്കുന്ന ഒരു സൂപ്പര്* കോമഡി തിരക്കഥയൊരുക്കാനാണ് സംവിധായകന്* തിരക്കഥാകൃത്തിനോട് ആവശ്യപ്പെട്ടിരിക്കുന്നത്.
2001ല്* പുറത്തിറങ്ങിയ ‘ഈ പറക്കും തളിക’ ഉണ്ണികൃഷ്ണന്* എന്ന ബസ് ഉടമസ്ഥന്*റെ ജീവിതദുരിതങ്ങളുടെ രസകരമായ ആവിഷ്കാരമായിരുന്നു. നിത്യാദാസ് ആയിരുന്നു നായിക. രണ്ടാം ഭാഗത്തില്* നിത്യാദാസ് അതിഥിതാരമായെത്തുമെന്നാണ് സൂചന. ദിലീപ് തന്നെ ഈ പ്രൊജക്ടില്* നായകനാകുമെന്നാണ് റിപ്പോര്*ട്ട്. സുന്ദരനായി ഹരിശ്രീ അശോകനും കോശിയായി സലിം കുമാറും രണ്ടാം ഭാഗത്തിലും ഉണ്ടാകും.
Keywords: ee parakumthalika, parakumthalika, dileep, harisree ashokan, janapriyanayakan
Reply With Quote
Bookmarks