ദേ, പുട്ട്...

[film]

അരിപ്പൊടിയും തേങ്ങയും ചേര്*ത്ത് പുട്ടുണ്ടാക്കുന്ന കാലംപോയി. മീനും മട്ടനും ബീഫുമൊക്കെയാണ് ഇപ്പോള്* പുട്ടിലെ കൂട്ട്. 15 തരം വ്യത്യസ്തമായ പുട്ടുകള്*.

ചെമ്മീന്* മസാലപ്പുട്ട്




പുട്ടുപൊടി ഒന്നരകപ്പ്
ചെറിയതരം ചെമ്മീന്* 200 ഗ്രാം
മുളകുപൊടി ഒന്നര ടീസ്പൂണ്*
മഞ്ഞള്*പ്പൊടി കാല്* ടീസ്പൂണ്*
പെരുംജീരകപ്പൊടി അര ടീസ്പൂണ്*
വെളുത്തുള്ളി അരച്ചത്, മല്ലിപ്പൊടി ഒരു ടീസ്പൂണ്* വീതം
സവാള (പൊടിയായി മുറിച്ചത്) രണ്ടെണ്ണം
പച്ചമുളക് (പൊടിയായി മുറിച്ചത്) നാലെണ്ണം
വെളിച്ചെണ്ണ ഒരു ടേബിള്* സ്പൂണ്*
തേങ്ങ ചിരവിയത് അര കപ്പ്

ചെമ്മീന്* കഴുകി എടുത്ത് മൂന്നുമുതല്* ആറുവരെയുള്ള ചേരുവകളും ഉപ്പും ചേര്*ത്ത് അല്പം വെള്ളത്തില്* വേവിച്ച് വറ്റിക്കുക. വെളിച്ചെണ്ണ ചൂടാക്കി സവാള, പച്ചമുളക്, അല്*പം കറിവേപ്പില എന്നിവ വഴറ്റുക. സവാള മൃദുവാകുമ്പോള്* ചെമ്മീന്* ചേര്*ത്ത് ഉലര്*ത്തി എടുക്കുക. പുട്ടുപൊടിയില്* തേങ്ങയും ഉപ്പും ചേര്*ത്ത് കൈവിരലുകള്* കൊണ്ട് യോജിപ്പിക്കുക. പുട്ടുകുറ്റിയില്* ആദ്യം നാല് ടേബിള്*സ്പൂണ്* ചെമ്മീന്* മസാല ഇട്ട് മീതെ അരക്കപ്പ് പുട്ടുപൊടി ഇടുക. ഇതേപോലെ അടുക്കടുക്കായി പൊടിയും ചെമ്മീന്* മസാലയും ഇട്ട് നിറയ്ക്കുക.


മുരിങ്ങയില പുട്ട്



പുട്ടുപൊടി, മുരിങ്ങയില, തേങ്ങ ഒരു കപ്പ് വീതം
ചെറിയ ഉള്ളി പൊടിയായി മുറിച്ചത് ആറ്
പച്ചമുളക് പൊടിയായി മുറിച്ചത് നാല്
മുളകുപൊടി ഒരു ടീസ്പൂണ്*
വെളുത്തുള്ളി രണ്ടല്ലി
പെരുംജീരകം, കടുക് അര ടീസ്പൂണ്* വീതം
വെളിച്ചെണ്ണ രണ്ട് ടീസ്പൂണ്*

പുട്ടുപൊടി കുഴയ്ക്കുക. അര കപ്പ് മുരിങ്ങയില ചേര്*ത്ത് വീണ്ടും കുഴച്ച് 20 മിനിറ്റു വെക്കുക. തേങ്ങയില്* പെരുംജീരകം, മുളകുപൊടി, വെളുത്തുള്ളി എന്നിവ ചതച്ചെടുക്കുക. വെളിച്ചെണ്ണ ചൂടാകുമ്പോള്* കടുക് ഇട്ട് പൊട്ടിച്ച് അല്*പം കറിവേപ്പില, ഉള്ളി, പച്ചമുളക് ഇട്ട് വഴറ്റുക. ശേഷം ബാക്കി മുരിങ്ങയിലയും ഉപ്പും ചേര്*ത്ത് അല്പനേരം വഴറ്റണം. ചതച്ച തേങ്ങ ഇതില്* ചേര്*ത്ത് കുറച്ചുനേരം കൂടെ ഇളക്കി ഇറക്കുക. പുട്ടുപൊടി വീണ്ടും ഒന്നുകൂടെ കുഴയ്ക്കണം. തയ്യാറാക്കിയ മുരിങ്ങയില ഒരു പിടി പുട്ടുകുറ്റിയില്* ഇട്ടശേഷം രണ്ടുപിടി പുട്ടുപൊടി ഇട്ട് കുറ്റി നിറച്ച് വേവിച്ചെടുക്കാം. മുരിങ്ങയില എരിശ്ശേരി ചേര്*ത്ത് കഴിക്കാം.

പാല്* പുട്ട്


പാല്*പ്പൊടി, തേങ്ങ അര കപ്പ് വീതം
സാധാരണ പുട്ടുപൊടി ഒരു കപ്പ്
പഞ്ചസാര, പാല്* രണ്ട് ടേ. സ്പൂണ്* വീതം

പുട്ടുപൊടിയില്* രണ്ട് ടേബിള്* സ്പൂണ്* പാല്*പ്പൊടിയും ഉപ്പും യോജിപ്പിക്കുക. പാല്* ഒഴിച്ച് മാവ് കൈവിരല്* കൊണ്ട് കുഴയ്ക്കണം. കുറച്ച് വെള്ളം കുടഞ്ഞ് സാധാരണ പുട്ടുമാവുപോലെ വീണ്ടും കുഴയ്ക്കുക. പാല്*പ്പൊടി ചേര്*ക്കുന്നതുകൊണ്ട് വെള്ളം വളരെ കുറച്ചു മതി. ബാക്കിയുള്ള പാല്*പ്പൊടിയും പഞ്ചസാരയും തേങ്ങയുംചേര്*ത്ത് യോജിപ്പിച്ച് വെക്കുക. പുട്ടുകുറ്റിയില്* കുറച്ച് പാല്*പ്പൊടി കൂട്ട് ഇട്ട് രണ്ടു പിടി പുട്ടുമാവ് മുകളില്* ഇടുക. ഇങ്ങനെ കുറ്റി നിറച്ചശേഷം പുട്ട് വേവിച്ചെടുക്കുക. ചെറുപഴം ചേര്*ത്തുകഴിക്കാം.

[film]

പൊരിച്ചിറച്ചി പുട്ട്




പുട്ടുപൊടി ഒന്നര കപ്പ്
ആട്ടിറച്ചി ചെറുതായി മുറിച്ചത് 200 ഗ്രാം
മല്ലിപ്പൊടി രണ്ടു ടീസ്പൂണ്*
മുളകുപൊടി ഒരു ടീസ്പൂണ്*
കുരുമുളകുപൊടി ഒരു ടീസ്പൂണ്*
പെരുംജീരകപ്പൊടി ഒരു ടീസ്പൂണ്*
വെളുത്തുള്ളി അരച്ചത് ഒരു ടീസ്പൂണ്*
മഞ്ഞള്*പ്പൊടി കാല്* ടീസ്പൂണ്*
ചെറിയ ഉള്ളി മുറിച്ചത് കാല്* കപ്പ്
ഗരംമസാലപ്പൊടി അര ടീസ്പൂണ്*
വെളിച്ചെണ്ണ മൂന്ന് ടേബിള്*സ്പൂണ്*

ഇറച്ചി കഴുകി രണ്ട് കപ്പ് വെള്ളത്തില്* ഒന്നുമുതല്* ആറു വരെയുള്ള ചേരുവകളും ഉപ്പും ചേര്*ത്ത് വേവിച്ചെടുക്കണം. ഇറച്ചി മസാലയില്* നിന്ന് ഊറ്റി എടുത്ത് മസാലവെള്ളം വേറെ വെക്കുക. പുട്ടുപൊടിയില്* മസാല വെള്ളം ചേര്*ത്ത് കുഴച്ച് അര മണിക്കൂര്* വെക്കുക. വെളിച്ചെണ്ണ ചൂടാകുമ്പോള്* ചെറിയ ഉള്ളി ഇട്ട് പൊരിക്കുക. ഉള്ളി പൊന്*നിറമാകുമ്പോള്* ഇറച്ചിയിട്ടു പൊരിക്കുക. ഇറച്ചി പൊരിഞ്ഞുവരുമ്പോള്* ഇറക്കി ഗരംമസാലപ്പൊടി ചേര്*ത്ത് വെക്കണം. പുട്ടുകുറ്റിയില്* രണ്ട് ടേബിള്* സ്പൂണ്* പൊരിച്ച ഇറച്ചി ഇട്ട് മീതെ അര കപ്പ് പുട്ടുപൊടി ഇടണം. പുട്ട് വേവിച്ചെടുക്കുക.

കപ്പ പുട്ട്


പൊടിയുള്ള ഇനം കപ്പ അരക്കിലോ
തേങ്ങ ചിരവിയത് ഒന്നര കപ്പ്

കപ്പ ഗ്രെയിറ്ററില്* വെച്ച് ഉരയ്ക്കുക. ഇത് കഴുകി ഊറ്റി എടുത്ത് കൈ കൊണ്ട് നന്നായി പിഴിഞ്ഞ് വെള്ളം മുഴുവനും കളയണം. ഉപ്പുചേര്*ക്കുക. പുട്ടുകുറ്റിയില്* ഒരു പിടി തേങ്ങ ഇട്ട് മീതെ മൂന്ന് പിടി കപ്പക്കൂട്ട് ഇടുക. കുറ്റി നിറച്ചശേഷം പുട്ട് വേവിച്ചെടുക്കാം. ചൂടോടെ പഞ്ചസാര ചേര്*ത്ത് കഴിക്കാം.

മീന്*പുട്ട്

പുട്ടു പൊടി ഒന്നര കപ്പ്
അയല/മുള്ള് അധികം ഇല്ലാത്ത മീന്* 250 ഗ്രാം
സവാള ചെറുതായി മുറിച്ചത് ഒന്ന്
പച്ചമുളക് ചെറുതായി മുറിച്ചത് നാലെണ്ണം
മല്ലിയില ചെറുതായി മുറിച്ചത് ഒരു കെട്ട്
ഇഞ്ചി ഒരിഞ്ച് കഷണം
എണ്ണ ഒരു ടേബിള്* സ്പൂണ്*