വൃക്കരോഗങ്ങള്* പ്രതിരോധവും ചികിത്സയും

ദിവസം 180 ലിറ്റര്* രക്തമാണ് വൃക്കകളിലൂടെ കടന്നുപോകുന്നത്. ഇത്രയധികം രക്തചംക്രമണമുള്ള മറ്റൊരവയവം ശരീരത്തില്* ഇല്ല. മാലിന്യങ്ങള്* നീക്കി ശുദ്ധീകരിക്കാനാണ് രക്തത്തെ വൃക്കകളിലേക്ക് അയയ്ക്കുന്നത്. സൂക്ഷ്മരക്തക്കുഴലുകളുടെ കൂട്ടമാണ് വൃക്ക എന്നു പറയാം. നെഫ്രോണുകളാണ് ഇവയുടെ പ്രവര്*ത്തനഘടകം. ഓരോ വൃക്കയിലും 10 ലക്ഷത്തോളം നെഫ്രോണുകളുണ്ട്.
നെഫ്രോണിനകത്ത് മുന്തിരിക്കുല പോലുള്ള രക്തക്കുഴലുകളുടെ കൂട്ടമുണ്ട്. അരിപ്പ പോലെയാണ് ഇവ പ്രവര്*ത്തിക്കുന്നത്. രക്തം ഇതിലൂടെ കടന്നുപോകുമ്പോള്* ശരീരത്തിന് ആവശ്യമുള്ളതും വലിപ്പം കൂടിയതുമായ വസ്തുക്കളെ രക്തത്തില്* തന്നെ നിലനിര്*ത്തുന്നു. പ്രോട്ടീന്*, ചുവന്ന രക്താണുക്കള്*, വെളുത്ത രക്താണുക്കള്* എന്നിവ ഇതില്*പ്പെടും. വെള്ളവും ലവണങ്ങളും നെഫ്രോണിന്റെ അടുത്ത ഭാഗമായ ടൂബ്യൂളുകളിലെത്തും. ആവശ്യമുള്ള വെള്ളവും ലവണങ്ങളും ടൂബ്യൂളുകളില്* വെച്ച് ആഗിരണം ചെയ്യും. അനാവശ്യലവണങ്ങളും വെള്ളവും പുറന്തള്ളുന്നു. ഈ വെള്ളവും ലവണങ്ങളുമാണ് മൂത്രമായി പുറത്തുവരുന്നത്. 180 ലിറ്റര്* രക്തം വൃക്കകളിലൂടെ കടന്നുപോകുമ്പോള്* അതില്* നിന്ന് ഒന്നരലിറ്റര്* മാത്രമാണ് മൂത്രമായി വേര്*തിരിച്ചെടുക്കുന്നത്. ചെറിയ പ്രശ്*നങ്ങളും പ്രയാസങ്ങളും നേരിട്ടാലും വൃക്കകള്* അതിനെ കാര്യമാക്കാറില്ല. കഠിനപ്രയത്*നത്തിലൂടെ കൂടുതല്* പ്രവര്*ത്തിച്ച് ഈ സ്ഥിതി മറികടക്കും. എന്നാല്* കാര്യമായ തകരാറുണ്ടായാല്* സ്ഥിതിമാറും. അനുബന്ധ പ്രശ്*നങ്ങള്* വൃക്കകളില്* ഒതുങ്ങുകയുമില്ല. അത് ഹൃദയത്തിന്റെ താളം തെറ്റിക്കും. ശരീരത്തെ പലതരത്തിലും ബാധിക്കും. ജീവന് തന്നെ ഭീഷണിയാവും. അപ്പോഴാണ് പലരും വൃക്കകളുടെ പ്രാധാന്യത്തെക്കുറിച്ച് അറിയുന്നത്.

ഹൃദ്രോഗങ്ങള്*ക്ക് നല്*കുന്നത്ര തന്നെ പ്രാധാന്യം ഇപ്പോള്* വൃക്കസ്തംഭനത്തിനും നല്*കുന്നുണ്ട്. രണ്ടവയവങ്ങളെയും ബാധിക്കുന്ന അസുഖങ്ങള്* പലപ്പോഴും പരസ്​പരം ബന്ധപ്പെട്ടുകിടക്കുന്നതുമായിരിക്കും.

?വൃക്കയുടെ പ്രധാന പ്രവര്*ത്തനങ്ങള്* എന്തെല്ലാമാണ്

രക്തം ശുദ്ധീകരിക്കലാണ് വൃക്കയുടെ പ്രധാന ജോലി. രക്തത്തിലെ മാലിന്യങ്ങള്* നിരന്തരം വേര്*തിരിച്ചെടുത്ത് വിസര്*ജിക്കുന്നു. ഉപാപചയ പ്രവര്*ത്തനങ്ങളുടെ ഭാഗമായി ശരീരത്തില്* ആവശ്യമില്ലാത്ത ഒട്ടേറെ വസ്തുക്കള്* ഉണ്ടാകുന്നുണ്ട്. പ്രോട്ടീന്* എന്ന ഘടകത്തിന്റെ രാസപ്രവര്*ത്തനത്തിനു ശേഷം യൂറിയ, ക്രിയാറ്റിനിന്* തുടങ്ങിയ മാലിന്യഘടകങ്ങള്* ഉണ്ടാകുന്നു. ആവശ്യമില്ലാത്ത ഇത്തരം പദാര്*ത്ഥങ്ങള്* നീക്കേണ്ടത് വൃക്കകളുടെ ചുമതലയാണ്. ശരീരത്തില്* ലവണങ്ങളും ജലവുമായുള്ള സമനില സദാ പരിരക്ഷിക്കുന്നത് വൃക്കകളാണ്. സോഡിയം, പൊട്ടാസ്യം, കാല്*സ്യം, മഗ്നീഷ്യം, ക്*ളോറൈഡ് തുടങ്ങിയ ലവണങ്ങളുടെ തോത് സന്തുലിതമായി നിര്*ത്തേണ്ടത് വളരെ പ്രധാനമാണ്. ആവശ്യമുള്ളവ വൃക്കകള്* ആഗിരണം ചെയ്യുന്നു. ആവശ്യമില്ലാത്തത് വിസര്*ജിക്കുന്നു.

ശരീരത്തിലെ ജലാംശം ക്രമീകരിക്കലാണ് വൃക്കകളുടെ മറ്റൊരു പ്രധാന ജോലി. കുടിക്കുന്ന വെള്ളം മുഴുവന്* ശരീരത്തില്* ഉപയോഗിക്കുന്നില്ല. ഉപാപചയ പ്രവര്*ത്തനങ്ങള്*ക്ക് ആവശ്യമായവ എടുക്കും. ബാക്കി പുറന്തള്ളും. ശരീരത്തിലെ ആസിഡ്, ആല്*ക്കലി എന്നിവയുടെ അളവും ക്രമീകരിക്കണം. ഇതും വൃക്കയുടെ ചുമതല തന്നെ. ശരീരത്തില്* പലതരത്തില്* ആസിഡുകള്* ഉത്പാദിപ്പിക്കപ്പെടുന്നുണ്ട്. ഇതിന്റെ വീര്യം കുറച്ച് പുറത്തുകളയുന്നത് വൃക്കകളാണ്.
ഇതിനൊക്കെ പുറമേ വളരെ പ്രധാനപ്പെട്ട ചില ഹോര്*മോണുകളും വൃക്കകളില്* ഉത്പാദിപ്പിക്കുന്നുണ്ട്. എറിത്രോപോയറ്റിന്* ഇതില്* പ്രധാനമാണ്. ചുവന്ന രക്താണുക്കളുടെ ഉത്പാദനത്തിനും വളര്*ച്ചക്കും ഈ ഹോര്*മോണ്* കൂടിയേ തീരൂ. വൃക്കകളില്* മാത്രമാണ് ഇത് ഉത്പാദിപ്പിക്കപ്പെടുന്നത്. രക്തസമ്മര്*ദം നിയന്ത്രിക്കുന്നതില്* വലിയ പങ്കുവഹിക്കുന്ന റെനിന്* ഹോര്*മോണും വൃക്കയിലാണ് ഉത്പാദിപ്പിക്കപ്പെടുന്നത്. എല്ല്, പല്ല് എന്നിവയുടെ വളര്*ച്ചയ്ക്ക് ആവശ്യമായ വിറ്റമിന്* ഡി (കാല്*സിട്രയോള്*) കാര്യക്ഷമമാക്കുന്നത് വൃക്കയില്* വെച്ചാണ്.

?വൃക്കരോഗങ്ങള്* വരാനുള്ള കാരണങ്ങള്* എന്തെല്ലാമാണ്

ശരീരത്തില്* പ്രതിരോധ സംവിധാനത്തില്* ഉണ്ടാകുന്ന വ്യതിയാനങ്ങള്* വൃക്കരോഗങ്ങള്*ക്ക് ഇടയാക്കും. വിവിധതരം നെഫ്രൈറ്റിസ് ഇതിന് ഉദാഹരണമാണ്. ജീവിതശൈലീ രോഗങ്ങള്* വൃക്കരോഗങ്ങള്*ക്ക് വഴിവെക്കാറുണ്ട്. ഇത് വലിയൊരു പ്രശ്*നമായി മാറുകയുമാണ്. പ്രമേഹം, അമിതരക്തസമ്മര്*ദം എന്നിവക്കു പുറമെ പൊണ്ണത്തടിയും കൊഴുപ്പിന്റെ അളവിലെ വ്യതിയാനങ്ങളും വൃക്കരോഗങ്ങള്*ക്ക് ഇടയാക്കും. ഗൗട്ടാണ് മറ്റൊരു പ്രശ്*നം. പാരമ്പര്യമായും ചില വൃക്കരോഗങ്ങള്* കാണാറുണ്ട്. അല്*പോര്*ട്ട്*സ് സിന്*ഡ്രോം, പോളിസിസ്റ്റിക് കിഡ്*നി ഡിസീസ് എന്നിവ ഉദാഹരണങ്ങള്*. അണുബാധകള്* ചിലപ്പോള്* വൃക്കരോഗത്തിന് കാരണമാവും. പൈലോ നെഫ്രൈറ്റിസ്

ഉദാഹരണം. സാംക്രമിക രോഗങ്ങളായ മലമ്പനി, വീല്*സ് (എലിപ്പനി) ഛര്*ദ്ദി, അതിസാരം എന്നിവയും വൃക്കരോഗത്തിന് കാരണമായിത്തീരാറുണ്ട്. ഇതിനെല്ലാം പുറമേ വൃക്കയിലെ കല്ലുകളും അവയവത്തിന്റെ നാശത്തിന് ഹേതുവാകാം.