ഡോ.സണ്ണി ജോസഫ് ലോകപ്രശസ്തനായ ഒരു സൈക്യാട്രിസ്റ്റാണ്. അദ്ദേഹം ഏറ്റെടുത്ത കേസുകളിലെല്ലാം വിജയം കണ്ടിട്ടുണ്ട്. അതില്* ഏറെ പ്രശസ്തമായത് സുഹൃത്തായ നകുലന്*റെ ഭാര്യ ഗംഗയുടെ മാനസിക പ്രശ്നമായിരുന്നു. മാടമ്പള്ളി മേടയില്* അലഞ്ഞുനടന്ന നാഗവല്ലി എന്ന തമിഴത്തി പ്രേതത്തെ ഗംഗയില്* നിന്നും വേര്*പെടുത്തിയ സണ്ണിയുടെ കഥയായിരുന്നു ‘മണിച്ചിത്രത്താഴ്’ പറഞ്ഞത്.

സണ്ണി ഏറ്റെടുക്കുന്ന അടുത്ത മനഃശാസ്ത്ര പ്രശ്നം സിനിമാരൂപത്തിലെത്തുമ്പോള്* സംവിധായകന്* പ്രിയദര്*ശനാണ്. ‘മണിച്ചിത്രത്താഴ് 2’ എന്ന് താല്*ക്കാലികമായി വിളിക്കാവുന്ന ഈ പ്രൊജക്ടിന് ഡെന്നിസ് ജോസഫാണ് തിരക്കഥ രചിക്കുന്നത്. ജൂലൈ രണ്ടിന് ഈ സിനിമയുടെ ചിത്രീകരണം ആരംഭിക്കും.

മണിച്ചിത്രത്താഴ് രചിച്ച മധുമുട്ടം പുതിയ പ്രൊജക്ടിന്*റെ പരിസരത്തെങ്ങുമില്ല എന്നതാണ് പ്രത്യേകത. മോഹന്*ലാലിനെക്കൂടാതെ ഇന്നസെന്*റ്, കെ ബി ഗണേഷ്കുമാര്*, മധു, സിദ്ദിക്ക് എന്നിവരും ഈ സിനിമയിലുണ്ട്. പുതുമുഖമായിരിക്കും മണിച്ചിത്രത്താഴ് 2ലെ നായിക. ഇന്നസെന്*റിന്*റെ ഉണ്ണിത്താന്* എന്ന കഥാപാത്രം പുതിയ ചിത്രത്തിലും നര്*മ്മം വിതറും. അര്*ബുദത്തില്* നിന്ന് രക്ഷപ്പെട്ട് തിരിച്ചെത്തിയ ഇന്നസെന്*റ് ഈ സിനിമയിലൂടെയായിരിക്കും മടങ്ങിവരവ് ആഘോഷിക്കുക.

പുതിയ ചിത്രത്തില്* ‘നാഗവല്ലി’ ഉണ്ടാവില്ല എന്ന് പ്രിയദര്*ശന്* അറിയിച്ചിട്ടുണ്ട്. അപ്പോള്* ശോഭനയുടെ ഗസ്റ്റ് അപ്പിയറന്*സ് കാണിച്ച് പ്രേക്ഷകരെ ത്രില്ലടിപ്പിക്കാമെന്ന വിലകുറഞ്ഞ ആശയം ഇല്ലെന്ന് സമാധാനിക്കാം. എന്തായാലും ഡോ.സണ്ണിയുടെ പുതിയ മനഃശാസ്ത്ര പരീക്ഷണങ്ങളിലൂടെ ഒരു മികച്ച സൈക്കോ ത്രില്ലര്* മലയാളത്തിന് ലഭിക്കുമെന്ന് പ്രതീക്ഷിക്കാം.


More stills


Keywords:Mohanlal,sureshgopi,Innecent,Ganesh Kumar,Nagavalli,Priyadarshan,Manichithrathzhu2,mal ayalam film news