‘രതിനിര്*വേദ’ത്തിലെ രതി എന്ന കഥാപാത്രത്തെ താന്* എല്ലാ പെര്*ഫെക്ഷനോടും*കൂടി അവതരിപ്പിക്കാനാണ് ശ്രമിക്കുന്നതെന്ന് ശ്വേതാ മേനോന്*. തന്നെ ഇഷ്ടപ്പെടുന്ന എല്ലാവരും താന്* ‘രതിച്ചേച്ചി’യാകുന്നതില്* സന്തോഷിക്കുകയാണെന്നും ശ്വേത പറയുന്നു.

“എന്നേക്കാള്* പ്രായം കുറഞ്ഞ പയ്യനാണ് ചിത്രത്തിലെ നായകന്*. ആ രീതിയില്* ചെറിയൊരു ചമ്മലുണ്ട്. പിന്നെ സിനിമയല്ലേ? ജീവിതത്തില്* അങ്ങനെയൊരു ഭാഗ്യം എനിക്കുണ്ടായിട്ടില്ല. അതുകൊണ്ട് അങ്ങനെ ഒരു കഥാപാത്രത്തെ അവതരിപ്പിക്കുമ്പോള്* ചെറിയൊരു ആകാംക്ഷയുണ്ട്.” - ഒരു സിനിമാവാരികയ്ക്ക് അനുവദിച്ച അഭിമുഖത്തില്* ശ്വേത വെളിപ്പെടുത്തി.

പത്മരാജന്*റെ തിരക്കഥയില്* ഭരതന്* സംവിധാനം ചെയ്ത ‘രതിനിര്*വേദം’ എന്ന ക്ലാസിക്ക് റീമേക്ക് ചെയ്യുന്നത് ടി കെ രാജീവ് കുമാറാണ്. രേവതി കലാമന്ദിറിന്*റെ ബാനറില്* സുരേഷ്കുമാര്* നിര്*മ്മിക്കുന്ന ഈ സിനിമയില്* ജയഭാരതി അനശ്വരമാക്കിയ ‘രതിച്ചേച്ചി’യെ വീണ്ടും അവതരിപ്പിക്കുന്ന ത്രില്ലിലാണ് ശ്വേത.

“മലയാളികള്* മുഴുവന്* നെഞ്ചേറ്റിയ സിനിമയാണ് രതിനിര്*വേദം. രതിയെന്ന കഥാപാത്രത്തിന് മലയാള സിനിമാചരിത്രത്തില്* വലിയ പ്രാധാന്യമുണ്ട്. സത്യം പറഞ്ഞാല്*, മറ്റേതൊരു നടിക്കുകിട്ടും ഇങ്ങനെയൊരു ഭാഗ്യം?” - ആവേശത്തോടെ ശ്വേത ചോദിക്കുന്നു.

“രതിച്ചേച്ചി എന്ന കഥാപാത്രം എനിക്കൊരു വെല്ലുവിളിയാണ്. പ്രണയത്തിന്*റെ ആ അവസ്ഥകള്* അതേ തീവ്രതയോടെ അവതരിപ്പിച്ചേ പറ്റൂ. തന്നേക്കാള്* മുതിര്*ന്ന സ്ത്രീയോട് ഒരു പയ്യന് പ്രണയം തോന്നുന്നത് തെറ്റാണോ? നമ്മുടെ മനസിന്*റെ കാര്യമാണത്. എല്ലാവര്*ക്കും ഇത്തരം ചിന്തകള്* ഉണ്ടായിട്ടുണ്ടാകും. പിന്നെ സ്ത്രീ എപ്പോഴും പുരുഷന്*റെ ശ്രദ്ധയെ ആകര്*ഷിക്കാന്* ഇഷ്ടപ്പെടുന്നു. എല്ലാവരും തന്നെ ശ്രദ്ധിക്കണമെന്ന് ആഗ്രഹിക്കുന്ന മനസാണ് സ്ത്രീയുടേത്. അതും ഒരിക്കലും തെറ്റല്ല. ഞാന്* ഈ കഥാപാത്രത്തെ അവതരിപ്പിക്കുന്നു എന്നുപറഞ്ഞപ്പോള്* എന്*റെ അച്ഛന്* ചിരിച്ചുകൊണ്ടു പറഞ്ഞത് - നീ രതിയായി മാത്രം അഭിനയിക്കുക, ശ്വേതാ മേനോന്* ആകരുത് - എന്നാണ്” - ശ്വേത വെളിപ്പെടുത്തുന്നു.