മൂന്ന് ചരിത്ര സിനിമകളില്* നായകനാവാനുള്ള ഭാഗ്യം ചെറുപ്പത്തില്* തന്നെ ലഭിക്കുക. എന്നാല്* ചുണ്ടും കപ്പിനുമിടയ്ക്ക് ഈ ഭാഗ്യം കളഞ്ഞുപോകുക. മലയാളത്തിന്റെ പ്രിയ യുവതാരമായ പൃഥ്വിരാജിനാണ് ഈ ഭാഗ്യവും നിര്*ഭാഗ്യവും ഉണ്ടായത്. വാസ്കോഡഗാമയെ കൊല്ലാന്* കച്ചകെട്ടിയിറങ്ങിയ കേളു നായനാര്*, രണ്*ജി പണിക്കരുടെ തിരക്കഥയില്* വേലുത്തമ്പി ദളവ, ചരിത്രത്തിലെ ഇടപെടലിലൂടെ വിവാദനായകനായ മുഹമ്മദ്* അബ്*ദുറഹിമാന്* എന്നീ ചരിത്രകഥാപാത്രങ്ങളെ പൃഥ്വിരാജ് അവതരിപ്പിക്കും എന്നായിരുന്നു കഴിഞ്ഞ വര്*ഷം വന്ന വാര്*ത്തകള്*.

കേളു നായനാരെ പൃഥ്വിരാജ് അവതരിപ്പിക്കുക തന്നെ ചെയ്തു. പക്ഷേ, മറ്റ് രണ്ട് ചരിത്ര സിനിമകളിലും പൃഥ്വിരാജിന് അഭിനയിക്കാനാകില്ല. കാരണം, വേലുത്തമ്പി ദളവയെ പറ്റി ഇപ്പോള്* രണ്*ജി പണിക്കര്* മിണ്ടുന്നില്ല. അര്*ത്ഥം പ്രൊജക്റ്റ് നടക്കുകയില്ല എന്നുതന്നെ. മുഹമ്മദ്* അബ്*ദുറഹിമാന്റെ ജീവചരിത്രം വീരപുത്രന്* എന്ന പേരില്* സിനിമയാക്കുന്ന പിടി കുഞ്ഞുമുഹമ്മദാകട്ടെ നായകവേഷത്തില്* നിന്ന് പൃഥ്വിയെ ഒഴിവാക്കുകയും നരേനെ കാസ്റ്റുചെയ്യുകയും ചെയ്തു.

ഒരു വര്*ഷം മുമ്പെ പൃഥ്വിരാജും സംവിധായകന്* പിടി കുഞ്ഞുമുഹമ്മദും സംയുക്*തമായി പത്രസമ്മേളനം നടത്തി സിനിമയെ കുറിച്ച് സംസാരിച്ചപ്പോള്* തങ്ങളുടെ സ്വപ്*ന പദ്ധതിയായാണ്* ‘വീരപുത്ര’നെ രണ്ടുപേരും പദ്ധതിയെ വിശേഷിപ്പിച്ചത്*. മുഹമ്മദ് അബ്ദുറഹിമാന്* സാഹിബിന്റെ ജീവിതവും പോരാട്ടവും ദുരന്തവും അടിസ്ഥാനമാക്കിയുള്ള ചിത്രമാണിതെന്നും സാഹിബിന്റെ 22 വയസ്സു മുതല്* 45 വയസ്സുവരെയുള്ള ജീവിതമാണ് ദൃശ്യവല്**ക്കരിക്കുന്നതെന്നും കുഞ്ഞുമുഹമ്മദ് പറയുകയുണ്ടായി.

എന്നാലിപ്പോള്* ചിത്രീകരണം തുടങ്ങാന്* ശ്രമിക്കുമ്പോഴൊക്കെ പൃഥ്വിരാജ്* ഒഴിഞ്ഞുമാറുകയാണെന്നാണ്* സിനിമയുടെ അണിയറപ്രവര്*ത്തകര്* പറയുന്നത്*. ഇതോടെ സിനിമയുടെ ചിത്രീകരണം നിശ്*ചയിച്ചതിലും മാസങ്ങള്* വൈകി. അതുകൊണ്ടുതന്നെ പൃഥ്വിരാജിനെ മാറ്റാതെ സിനിമയുമായി മുന്നോട്ടുപോകാന്* കഴിയില്ലെന്ന്* അവര്* തീരുമാനിക്കുകയായിരുന്നു. പകരക്കാരനായി എത്തുന്നതാകട്ടെ നിരവധി വ്യത്യസ്*ത വേഷങ്ങളിലൂടെ കഴിവു തെളിയിച്ച നരേനും. നരേന് മലയാളത്തിലേക്ക് തിരിച്ചുവരാന്* ഈ സിനിമ വഴിയൊരുക്കും എന്നാണ് പ്രതീക്ഷിക്കപ്പെടുന്നത്.

എന്*പി മുഹമ്മദിന്റെ കഥയെ ആസ്​പദമാക്കി പൂര്*ത്തിയാകുന്ന 'വീരപുത്ര'ന്റെ തിരക്കഥയും സംഭാഷണവും പിടി കുഞ്ഞുമുഹമ്മദിന്റേതാണ്. സിദ്ദിഖ് മങ്കരയാണ് നിര്*മാണം. ജഗതി ശ്രീകുമാറും സിദ്ധിക്കും അഭിനയിക്കുന്ന ഈ ചിത്രം പിടി കുഞ്ഞുമുഹമ്മദിന്റെ ആദ്യത്തെ വാണിജ്യ സിനിമ ആണെന്നും ഒരു പ്രത്യേകതയുണ്ട്.