മുന്* രാഷ്ട്രപതി എ പി ജെ അബ്ദുള്* കലാമിനെ അമേരിക്കയില്* അപമാനിച്ചു. വിമാനയാത്രയ്ക്ക് മുമ്പ് അദ്ദേഹത്തിന്റെ ദേഹപരിശോധന നടക്കുകയായിരുന്നു. ന്യൂയോര്*ക്കിലെ ജോണ്* എഫ് കെന്നഡി വിമാനത്താവളത്തില്* സെപ്റ്റംബര്* 29-നായിരുന്നു സംഭവം. കലാമിനെ അപമാനിച്ച സംഭവത്തില്* അമേരിക്ക ഞായറാഴ്ച മാപ്പ് പറഞ്ഞു.

അമേരിക്കന്* സുരക്ഷാ ഉദ്യോഗസ്ഥര്* കലാമിന്റെ കോട്ടും ഷൂസും അഴിച്ചു മാറ്റിയാണ് പരിശോധന നടത്തിയത്. സ്ഫോടകവസ്തുക്കള്* ഉണ്ടോ എന്ന് പരിശോധിക്കുന്നതിനായിരുന്നു ഇത്. കലാം മുന്* രാഷ്ട്രപതിയാണെന്നും ദേഹപരിശോധന നടത്തേണ്ടെന്നും ഇന്ത്യന്* പ്രോട്ടോക്കോള്* ഓഫിസര്* ആവശ്യപ്പെട്ടെങ്കിലും സുരക്ഷാ ഉദ്യോഗസ്ഥര്* അത് ചെവിക്കൊണ്ടില്ല.

കലാം യാത്ര ചെയ്ത എയര്*ഇന്ത്യ വിമാനത്തിന്റെ അധികൃതരും സിവില്* ഏവിയേഷന്* വിഭാഗവുമാണ് സര്*ക്കാരിനെ ഇക്കാര്യം അറിയിച്ചത്. 2009-ല്* ഡല്*ഹി വിമാനത്താവളത്തില്* നിന്ന് അമേരിക്കയിലേക്കുള്ള വിമാനത്തില്* യാത്ര ചെയ്യാന്* എത്തിയപ്പോഴും കലാമിനെ ദേഹപരിശോധനയ്ക്കു വിധേയനാക്കിയിരുന്നു.

കലാമിനെ അപമാനിച്ച സംഭവത്തില്* കേന്ദ്രം അമേരിക്കയെ അതൃപ്തി അറിയിച്ചിരുന്നു. സംഭവത്തേക്കുറിച്ച് കലാം പ്രതികരിച്ചിട്ടില്ല.



Keywords: Air India,Civil Aviation,Indian president,A P J Abdul Kalam ,Kalam Insulted in America